Vilkår for bruk av VACbox og tilhøyrande utstyr.

 

VACbox er ein del av ONLINE HYTTESERVICE, som er Kvam Kraftverk AS sitt konsept retta mot hyttemarknaden. VACbox er ein kombinasjon av tenester for hytteeigarane, men kan og verta ein del av vår målarutrustning. VACbox og innsett SIM kort er Kvam Kraftverk AS sin eigedom, men vert utleigt til hytteeigarane.

 

Kvar VACbox har sitt eige mobilnummer. Dette er kopla mot GPS-koordinatane for den enkelte hytte.

Mobilnummeret og GPS-koordinatane er å finna på MI SIDE på Kvammahytto.no.

 

VACbox vert levert hytteeigaren etter avtale, og skal takast med til hytta for plassering der.

 

Kvam Kraftverk AS kan nytta VACbox for innhenting av målaravlesing. I første omgang som utsending av SMS- melding der hytteeigar må tasta inn avlesinga, seinare kan det verta montert ei kommunikasjonseining på målaren som automatisk sender måleverdiar via VACbox til Kvam Kraftverk AS. Alle slike sendingar til Kvam Kraftverk AS er gratis for hytteeigar.

 

Hytteeigar kan nytta telefoneininga på VACbox. Bruken vert fakturert over straumfaktura eller på eigen faktura.

 

For å nytta funksjonane for styring og overvaking i VACbox, må ein bestilla eit abonnement hos Kvam Kraftverk AS. Både betillingsskjema, vilkår og informasjon er å finne på Kvammahytto.no. Abonnementet vil vera personleg og skal opprettast på same person som har straumabonnementet på hytta.

 

Utstyr som kan koplast opp til VACbox (styringseiningar, temperaturfølarar, røykvarslarar m.v.) kan bestillast på Kvammahytto.no eller direkte til Kvam Kraftverk AS.

 

Kvam Kraftverk tar ikkje ansvar for at det skulle oppstå skade på bygning, utstyr m.v. som følgje av feil på utstyr, feilmelding, feil på overføring, feilinnstilling m.v.

 

Kvam Kraftverk AS er ikkje ansvarleg for funksjonssvikt på VACbox som skuldast uforsvarleg bruk. VACbox vert reparert eller erstatta ved feil som oppstår ved normal bruk.

 

Hytteeigar er økonomisk ansvarleg dersom VACbox og tilhøyrande utleigd utstyr vert øydelagt på grunn av uforsvarleg bruk eller på annan måte får skade som ikkje skjer ved normal bruk.

 

Abonnement som vert inngått om bruk av funksjonar i VACbox , vil ha ei varigheit på minimum 1 år. Abonnementet vil automatisk verta vidareført  med 1 år dersom ikkje hytteeigar seier opp abonnementet 3 måneder før den 31.12.

 

Dersom abonnementet vertt sagt opp vil Kvam Kraftverk likevel kunne nytta VACbox i samband med avlesning av straummålar.

 

Abonnementsavgift og mobiltrafikk vert fakturert saman med nettleige på same faktura, men med eigen spesifikkasjon, eller på eigen faktura.

 

Dersom hytteeigar ønskjer at mobilnummeret på VACbox og GPS koordinater skal vere tilgjengelege i ein database for utrykningskøyrety og andre som hytteeigar kan ha nytte av, må han godkjenna dette ved å senda inn skjema som er å finna under bestilling på www.kvammahytto.no

 

Dersom ikkje abonnementsavgifta vert betalt rettidig, vil Kvam Kraftverk AS kunne stengja av funksjonane i VACbox. For å opna att vert det kravd ei tilleggsavgift på kr. 300,-. Abonnementsavgifta vert ikkje avkorta i utkoplingstida.

 

Ved sal eller overføring av eigarrrettigheiter på hytta, må ny eigar inngå ny leigeavtale for å oppretthalda funksjonane i VACbox. Ved oppseiing skal utstyret leverast tilbake til Kvam Kraftverk AS.

 

Ei komplett brukarrettleiing for bruk av VACbox vil følgje med ved utsending av utstyret.

 

 

Alle spørsmål vedkomande VACbox skal rettast til :

 

Kvam Kraftverk AS,  Kundeservice  på telefonnr. 56 55 33 00